Alak Mandailing

Alak Mandailing ima sada bangso na adong di Asia Tenggara, ingananna ima di Mandailing Natal dohot Tapanuli Selatan, Sumatera Utara; Pasaman dohot Pasaman Barat, Sumatera Barat; Rokan Hulu, Riau dohot di Malaysia.

Alak Mandailing
Atia Marripe Alak Pakantan
Bahatni Populasi
1.700.000 jiwa (Sensus 2010)
Luak Inganan Na Bahatna
Sumatera Utara 1.035.000 Sumatera Barat 214.000 Riau 210.000 Jakarta 80.000 Malaysia 30.000
Saro
Saro Mandailing
Agama
Islam
Kalompok etnik nadonokna
Melayu, Angkola, Minangkabau

Antusanna

Mandailing marasal sian hata "Mandala Holing" ima na marujuk tu sada harajaon na adong di Tapanuli Bagian selatan di abad 12. Mandala Holing on tarsurat juo di Surat Tumbaga Holing ( serat tembaga Kalingga). Dungi sadebana sosiolog marpandapot mandailing ibuat tingon Saro Minang ima Mande antusanna inang muda hilang antusanna Mago jadi antusan ni Mandailing ima Inang na Mago. I luak Mandailing on ma najolo adong inang na mago.

Parkouman

Naparjolo ro dabo tu mandailing on ima marga Pulungan baru ro namarmarga Lubis Nasution, Rangkuti, Parinduri, Mardia, Daulay, Batubara baru ro busema marga Siregar dohot Dalimunte tingon Angkola dohot marga Tanjung, Chaniago ngon Pesisir.

Porang Paderi

Dompak maso Porang Paderi ima porang ni Alak Minang na giot mangajarkon Islam. Ro mada alai tu luak ni Mandailingon ima so maragama Islam da bahatan Alak Mandailing. Dungni ro busema Bolanda tu Mandailing jadi marporang busema Alak Bolanda on dohot alak Paderion. Dung talu Paderion ima so adong namaragam Karisten dimandailing da tai saotikan maia. Dung monang ma Bolandaon Marmorotan ma alak Mandailing deba, Markeheanma Mangaranto tu Malaysia ima sosengbahat Alak Mandailing di Malaysia. Muda songoni juo Alak Mandailing na di Riau.