Alexander Agung

Aleksander III sian Makedonia (20/21 Juli 356 – 10/11 Juni 323 SM), lumobi binoto manjadiAleksander Agung (Μέγας Ἀλέξανδρος, Mégas Aléxandros) sanga Iskandar Godang, ima raja Kakaisaran Makedonia (Βασιλεύς Μακεδόνων), sada negara i luak timur laut Yunani. I umur toli pulu taon, ia mamimpin sada kakaisaran targodang i maso sejarah kuno, mangampar muloi tingon Laut Ionia sampe tor Himalaya. Ia inda unjung tarkalahkon i paporangan dot ianggap manjadi komandan porang targagah sapanjang maso. Aleksander sorang i Pella i 356 SM dot manjadi murid ni sada filsuf tarbonggal, Aristoteles. I taon 336 SM Aleksander manggontion amangnia, Filipus II sian Makedonia, manjadi pamimpin Makedonia sidung amangnia ibunu alak naso binoto. Filipus on madung patalu ampir negara-kota i daratan utamo Yunani tu hegemoni Makedonia, lewat militer dot diplomasi.

Aleksander Agung Μέγας Αλέξανδρος
Basileus Makedonia
Aleksander marporang mangalaon raja Darius III. Sian Mosaik Aleksander, Museum Arkeologi Nasional Napoli
Maso kakuasaan	336–323 SM
Gorar Singkop	Aleksander III sian Makedonia
Yunani	Μέγας ἈλέξανδροςTemplat:Cref (Mégas Aléxandros, Aleksander Agung) Ἀλέξανδρος ὁ Μέγας (Aléxandros ho Mégas, Aleksander yang Agung)
Golar	Raja Makedonia Hegemon Liga Hellen Shahanshah Persia Firaun Mesir Panguaso Asia
Sorang	20 atau 21 Juli 356 SM
Inganan sorang	Pella, Makedonia
Wafat	10 sanga 11 Juni 323 SM (umur 32 taon)
Inganan wafat	Babilonia
Ipajolo	Filipus II sian Makedonia
Panggonti	Aleksander IV sian Makedonia Filipus III sian Makedonia
Adaboru	Roxana dari Baktria Stateira II sian Persia Parysatis II sian Persia
Pinompar	Aleksander IV sian Makedonia
Dinasti	Wangsa Argead
Amang	Filipus II sian Makedonia
Inang	Olympias sian Epiros
Agama	Politeisme Yunani

Sidung maninggalna Filipus, Aleksander mawarisi karajaan na gogo dot pasukan na malo. Ia marhasil pagogo kakuasoan Makedonia i Yunani, dot sidung otoritasnia i Yunani dame, ia mambaen rencana militer get pagodang dot pabolak kakuasoannia na inda sampat isaloseon ni amangnia. I taon 334 SM ia menginvasi luak kakuasoan Persia dli Asia Minor dot mamuloi kampanye militer na tarjadi saonok sapulu taon. Aleksander patalu Persia i paporangan na manontuon, na lobi tarbonggal antara lain Porang Issus dot Porang Gaugamela. Aleksander dungni manggulingkon kakuasaan raja Persia, Darius III, dot patalu sude Kakasiaran Persia (Kakasiaran Akhemeniyah).Templat:Cref Kakaisaran Makedonia saonnari mambontang muloi tingon Laut Adriatik sampe Aek Indus.

Arani giot ni roana tolap tu "ujung dunia", Aleksander pe manginvasi India i taon 326 SM, tai tarpaksa aterek arani pasukannia ampir mangarontak. Aleksander maninggal Babilonia