Hak Asasi Jolma

Hak Asasi Jolma (HAJ) ima prinsip-prinsip moral sanga norma-norma, na manggambarkon standar tartontu tingon kalakuan nialak, dot ijago sacara taratur manjadi hak-hak uhum i uhum kota dot internasional. Alai umumna ipahami manjadi hal na mutlak manjadi hak-hak dasar "na sasadaalak sacara inheren marhak arani ia ima jolma" , dot na "lokot i sude alak" lopas tingon bangsa, luak, saro, agama, asal-usul etnis sanga status lainna. On marlaku i dia-dia dot i satiop noli i arti na universal, dot on egaliter i arti na sarupo tu satiop alak. HAJ porlu empati dot aturan uhum dot mamaksaon kawajiban i alak anso manghormati hak asasi jolma tingon alak na lain. Alai inda nangkan ibuat salain manjadi hasil tingon proses uhum mardasarkon kaadaan tartontu; misalna, hak asasi jolma mungkin tarmasuk kabebasan tingon kurungan malanggar uhum , panyiksaan, dot eksekusi. So um momo mangarti sanga aha do na imaksudkon ison ima "sude na manjadi kabutuhan mu manjadi hak mu mai anso bisa di turuti dungi anggon na iatanggung jawapi negara manolongi ho mamenuhina" tai porlu di ingot hak ni satiop kalak iabatasi hak ni alak nalain, jadi disi porlu marsiargaan.