Ibrahim
Ibrahim (saro Arab: إبراهيم ) ima nabi i agama Samawi. Ia margorar Khalilullah (خلیل اللہ, Haholongan Allah).[1] Ibrahim rap anaknia, Ismail, tarbonggal manjadi alak napajongjong Baitullah. Ia iangkat manjadi nabi na iutus tu kaum Kaldān na maringanan i negeri Ur, na saonnari binoto manjadi Iraq. Ibrahim ima sosok teladan utamo tu umat Islam i bahat hal. Ibadat Haji dot pangkoyokan binatang kurban i Idul Adha ima sadebana parayaan na mamparingoti pangalaho sinapatuhan Ibrahim tu Allah.
| Ibrahim alaihissalām (عليه السلام) | |
|---|---|
1.png) Kaligrafi manyuratkon Ibrahim i saro Arab. | |
| Sorang |
2510 Antargan so Hijriyah Ur, Iraq |
| Maninggal |
2329 Antargan so Hijriyah (umur 175 tahun) Hebron, Topi Barat |
| Kuburan | Masjid Ibrahim |
| Ipajolo | Nuh |
| Panggonti |
Ishaq Ya'qub |
| Dongan sabagas |
Sarah Hajar |
| Daganak |
Ismail Ishaq |
Ibrahim tarmasuk golongan jolma pilion i sisi Allah, dot tarmasuk golongan Ulul Azmi. Gorar Ibrahim ibaen manjadi gorar ni sada surat, dot idokon sabahat 69 noli i Al-Qur'an.
Artianna
patureI buku na marjudul "Muhammad Sang Nabi - Panyisean Sejarah Nabi Muhammad Sacara Simgkop," kario Omar Hashem, idokon molo gorar Ibrahim marasal tingon dua hata, ima ib/ab (إب) dot rahim (راهيم). Molo ipasada jadi gorar puna artian "amang na parholong."[2][3]
Tarombo
patureIbrahim ima anak Azar (Tarikh) bin Nahur bin Sarugh bin Ra'u bin Faligh bin Abir bin Shaleh bin Arfakhsad bin Sam bin Nuh. Al-Hafidz ibnu Asakir mangariwayatkon molo inang kandung nabi Ibrahim margorar Amilah. Sadangkan manurut al-Kalbiy, inang kandung nabi Ibrahim margorar Buna binti Karbina bin Kartsi, na marasal sia Bani Arfakhsyad.
Azar puna tolu daganak: Ibrahim, Haran, dot Nahor. Ibrahim i sada luak margorar Faddam Aram, na maringanan i karajaan Babilonia. Ibnu Asakir mangariwayatkon i kitop at-Tarikh tingon Ishaq bin Basyar al-Kahiliy molo nabi Ibrahim igorar manjadi "Abu adh-Dhaifan." Ibrahim puna dua anak na tarmasuk golongan nabi, ima nabi Ismail dot nabi Ishaq, sadangkan nabi Ya'qub ima pampu ni Ibrahim. Haran juo puna sada anak na tarmasuk golongan nabi, ima nabi Luth.
Adaboru ni Ibrahim
patureAtia Sarah giot itaon raja Mesir goit ibaen selir, Allah manjagooan Sarah mambaen raja Mesir inda bisa mambaen Sarah manjadi selir. Sidung sodar molo Allah madung mambaen bahat ajab tu ibana raja Mesir arani Sarah na ima adaboru Ibrahim, ia paulak Sarah tu Ibrahim; sidungi raja Mesir manghadiahkon Hajar sada budak disi Sarah giot manobus dosa. Hajar aima sada permaisuri karajaan Mesir.[4]
Adaboru ni Ibrahim dot pinompar na sorang tingon kalai ima:
- Sarah: Ishaq
- Hajar al-Qibthiyah al-Mishtiyah: Ismail
- Qanthura binti Yaqthan: Zimran, Yaqsyan, Madan, Madyan, Syiyaq dan Syuh.
Sumberna
pature- ↑ Tercantum di Surah An-Nisa:125 "...dan siapakah yang lebih baik agamanya daripada orang yang ikhlas menyerahkan dirinya kepada Allah, sedang ia pun mengerjakan kebaikan, dan ia mengikuti agama Ibrahim yang lurus? dan Allah mengambil Ibrahim menjadi kesayanganNya."
- ↑ Surah At-Taubah : 114
- ↑ "Muhammad Sang Nabi" - Penelusuran Sejarah Nabi Muhammad Secara Detail, karya Omar Hashem, Bab 1. Kondisi Geografis - Kafilah Nabi Ibrahim, Hal.9.
- ↑ Kitab Qishashul Anbiya karya Ibnu Katsir