Jean-Jacques Rousseau

Jean Jacques Rousseau (sorang i Jenewa, Swiss, 28 Juni 1712 – maninggal i Ermenonville, Oise, Perancis, 2 Juli 1778 i umur 66 taon) ima sada tokoh filosofi godang, panulis dot komposer i abad pencerahan. Pamikiran filosofinia mampangaruhi revolusi Prancis, parkombangan politika modern dot dasor pamikiran edukasi. Kario novelnia, Emile, sanga On Education na inilai manjadu karioania na tarponting ima tulisan kunci tu pokok pendidikan kewarganegaraan na singkop. Julie, ou la nouvelle Héloïse, novel sentimental tulisannia ima kario ponting na mangangkat pangombangan era pre-romanticism dot romanticism i bidang tulisan fiksi. Kario autobiografi Rousseau ima: 'Confession', na manginisiasi bontuk tulisan autobiografi modern, dot Reveries of a Solitary Walker (sajalan dot kario Lessing and Goethe in German dot Richardson and Sterne in English), ima conto utamo gorakan ujung abad pa-18 "Age of Sensibility", na husus tu hal subjectivitas dot introspeksi na mangkarakterisasi era modern. Rousseau juo manulis dua drama dot dua opera dohot manyumbangkon kontribusi ponting ibidang musik manjadi teorist. I periode revolusi Prancis, Rousseau ima filsafat tarbonggal i antara anggota Jacobin Club. Ia imasukon manjadi pahlawan nasional i Panthéon Paris, i taon 1794, onom bolas taon sidung maninggalna ia.