Lubuk Larangan
Lubuk Larangan Mandailing on ima sada budaya na mandung adong sian na jolo ijia ma masyarakat mandailing satiop acara nagodang mambuka lubuk larangan, lubuk larangan on adong i salidangan aek batang gadis adong do bagian on alira ni aek i na idokon Lubuk Larangan na lanjangan bisa sampe 1 km. Biasona sakali sataon ibuka mei tu sude masyarakat so bisa mambuat ikan i Lubuk Larangan i. Pas bukape nung na sadari maiya i ibuka abis I baru itutup mulakan.[1]
Pula I waktu nalain pe inda tola I ibe manangkup ikan isi. Pula adong halak naget dot i acara mambuka lubuk larangan ipas i ari nai nangkon na mandaftar dope I tu penyelenggara nai pas mandaftar pe nangkon na mambayar doi tu pelaksana nai sangape panitia nai, epeng na ipakumpul sian halak na mandaftar i ibaen mei tu kapontingan umum sangape tu kaporluan ni masyarakat. Adong pe tujuan ni acara on ima mambaen panghasilan tu huta na mambuka lubuk larangan on, baru nung i napaling ponting ima malestarion gulaen na madung payah dapot bagen ma songkonon ikan na rara sange idokon halak ikan juring pala nagodang idokin kalak mera , salain ikan na i nan ikan mas, ikan nila, dohot ikan garing.[2]
Na marlubuk larangan on pe adong do aturan dohot sangsi sangape hukuman saga tuise sajo na malanggarna adong dei ibaen I, satiop huta adong dei aturan na na memang mandung i sepakati satiob halak huta nai jadi pula adong pe halak na i huta nai sangape halak nalai na ro tusi mambuat ikan na i lubuk larangan i bisa mai iya ona sangsi on. Adong pe contoh aturan na mandung isepakati halai ima samuloi on denda 500,000 (lima ratus ribu) tu halak na barani manangko ikan I lubuk larangan I, tai nung do 2017 ma ipanaek alai mai ra sampe 1.500.000 (sajuta lima ratus ribu) sampe sannari na torus dope I manaek. Pas mambuka lubuk larangan on pe inda tola I asal mangambukon jala I pula inda na imuloi panitia nangkon na sarap dei sude peserta mangambukon jala nai so dapot kebersamaan nai dohot sorap adil sude na.[3]