Mardikir
Mardikir on ma sada bontuk kasenian na adong I mandailing natal kasenian on marnuansa islami doon na mandung adong samuloi on na jolo, biasona imaenkon ayah-ayah doon sangape tobang-tobang.
Na mardikir on adong muloi on 3 (tiga) sangape 4 (opat) alak na mamainkonna “gondang dikir” ima sabagai pangiring ni namarlogu dikir, taitong manombo adong doi pargondang nai na marlogu utama baru nalain nai manjadi parlogu latar. Seni partunjukan dikir oon dapot ikategorion ima sabagai musik polifoni na iselenggaraon I ari-ari nagodang islam songkonon Maulid Nabi dohot ari rayo Idul Fitri. Salain i dordoon I maenikon I acara orja godang pernikahan bagen orja haroan ni boru sangape mebat, pula patuaek bayo pe bisa juo doon imaenkon muloi on bagas na orja sampe tu aek kan.[1]
Gondang dikir on ima jenis gondang rebana namarukuran na godang dohot diameterna ima 600 sampe 900 mm marbontuk na ibul. Bariba on ginjang nai ilapisi dohot mambran sian ulit ni lombu sangape ambeng, baru pula bagian sian on toru nai inda itutup i. adong pe logu – logu na I maen kon ima mamake saro Arab ima mamake modus tartontu sian tradiri music pan-Islam i jasirah Arab, tema ni logu nai ima marisi sajarah ni Nabi Muhammad SAW, nung i ajaran-ajaran agama Islam dohot nalain nai.
Pula i paiyut ma nanga onjia rona kasenian dikir on dohot parsapaan na arana bisa juo malalui masyarakat na ke tu Arab sangape malalui on huta na dao, I Bariba selatan laut Mandailing adong ma etnis Minangkabau na samuloi on najolo mandung mambaen kontak dohot masyarakat Mandailing.[2]