Saro Bolanda

Saro Bolanda ima sada saro Jermanik Barat na dituturkon 20 juta jolma i ginjang dunia. Ibagasan saro Bolanda, saro on di dokon het Nederlands sanga de Nederlandse Taal. Muda saro Inggris didokon Dutch sanga the Dutch Language.

Klasifikasi

Saro Bolanda dohot tarmasuk juo saro Inggris dohot saro Jerman, marupaon bagian tingon kaluarga saro Jermanik Barat na godang. Tai ibagasan kaluarga ni saro on, soro Bolanda sacara relatif bisa didokon menek. Sifat khas saro Bolanda ima dasorna. Saro Bolanda mardasorkon saro Frankia jae. Najolo sanoli atia suku-suku Jerman ro maringana i muara aek Rhein, aek Maas dohot aek Schelde, koum Frankia ima na paling rahang dot pangaruhna paling godang mambaen parkombangan bahasa Bolanda di di ari naparpudi pado suku-suku na leg donok markoum songon suku Frisia dohot Saxon na lobi bahat maringanan i pasisir maso isi, tarutamo di sebolah timur aek IJssel. Baen nai ma parkoumab antara saro Bolanda dohot saro Jerman bisa didokon godang saonnari on. Rap dohot saro Jerman julu (saro Jerman baku) dohot saro Jerman jae, naso inda mardasarkon saro Frankia, saro Bolanda tarmasuk aha na didokon kaluarga saro Jermanik Barat-Kontinental. Kaluarga on marupaon dangka ni saro Jermanik dohot saro Jermanik di giliranna marupakan dangka ni saro Indo-Eropa.