Toge Panyabungan

Toge Panyabungan ima goar ni sada panganon namarasal tingon luat Panyabungan, panganon on inda marasal tingon sayuran toge, tai sebenarna tingon lupis, naitambahan dohot sipulut na lomlom dohot tape na bontar boti kotan tarsongon batu ni salak, di kuah ma dohot cendor, pake santan dohot gulo bargotna namadung di aer dohot bulung ni pandan.

Mulo mulona panganon on ro di pangkal ni bulan puaso sajo. Di gadis di potang ni ari laus marayak marbuko puaso ni alak di Mandailing arana rasona na tabo dohot manis. Toge Panyabungan on saonnari momo do jalaihon di Panyabungan, bope antong diluar ni bulan Puaso.

Biasona Toge Panyabungan on bahat don di gadis di poken poken, tarsongon poken na adong di Panyabungan, ima Pasar Lama sangape Pasar Baru Panyabungan. Tai hatiha di bulan Puaso hummomo ma manjalaisa Panganon on, inda hum di poken poken be tai bisa juo dapot di sapanjang dalan ni luat.

Sumberna

Kementerian Pendidikan dan Kebudayaan, Katalog Warisan Budaya Takbenda Indonesia 2018 Buku Dua