Upacara Mangalehen Marga

Upaca mangalehen marga i Mandailing Natal on inda salalu adong on arana upacara on nangkon na adong ma alasan na ima songkonon baen na adong na marbagas antar suku dohot bangsa nai, marga na ilehen baen na pengabdian dohot jasa nia, baru marga na ilehen harani panghormatan. Marga I mandailing na pontingan on ima i dalam manentuon kadudukan ni sada halak i ima idalam hagoluan nia, kaluarga nia, dohot I masyarakat. On marupaon tata aturan na mandung adong i dalian na tolu on ma na mambaen halak on jadina martabiat na deges dohot mar tutur na pade inda tu halak. Aturan aturan on inda tola i pajiar sangape I langar, pula I langar halak nai bisa ona sangsi i bagasan lambaga adat dalian na tolu na tar diri sian unsur-unsur suhut, kahanggi, anak boru, dohot mora ima sada ke satuan naso bisa i pisahkon sian nalain nai.

Na imaksud dohot suhut on ima pihak na idokon sabagai halak bagas sangape na puna bagas satiop I acara-acara adat i mandailing, anak boru on sian pihak na mambuat istri sian pihak keluarga suhut. Anso mamboto naga ise do na adong ka dudukanna suhut, sabagai anak boru sangape mora, on ma na kan i pilih sian marga na mandung adong jalai. On ma satorusna na manjadi padoman bope i katurunan nia satorusna idalam hubungan nai indadong be parkawinan. Pula mandung songkoni sada halak na mandung ma domu sada kaluarga tai inda pe adong marga nia bisa do ilehen tusia marga anso kadudukan nia I kaluarga imanjadi jelas on ma na mambaen malehen marga tu sada halak I ponting pula mandung imasyarakat.

Marga on lahir ima kaluarga I mambentuk kalompok sanga pe mambontuk saha huta, baen na mandung lahir marga on jadi satib katurunan na lahir i torus mei akan mandapot marga na na sama. Marga ni ayah nia ma na akan I turun kon tu anak nia (patrilineal), pula daganak na lahir I adaboru bope na mamake marga ni ayah nai tai nung marbagas iya baru adong anak na, baru anak nai inda akan mangiyut marga ni umak nai tai mangiyut marga ni ayah nai. Marga na i sada adaboru i nungna tu diri nia maiya i inda bisa iturun kon iya tu anak nia na ilahirkon nia i.

Na pontingan marga on ima i parsudaroan i mandailing, i mandailing sada halak naso adong marga nai tai mandung akrab dohot mangolu dohot masyarakat na adong I mandailing on. Pula ma songkoni akrab na bisa mei ilen maga nia so binoto iya naga ija posisi nia pula marmasyarakat i mandailing on, marga na itarimo i I turun kon on pihak halaklai inda on pihak adaboru i.

• Marga na iwarioskon on katurunan

Marga na dapot sangape na I turunkon on ayah nai sasuai dohot sistim kaluarga na marlaku I adat.